Kattavinafélag Íslands rekur Kattholt sem er athvarf fyrir kisur sem villst hafa að heiman eða verið yfirgefnar af eigendum.
Kattholt veitir kisunum húsaskjól og umönnun á meðan reynt er að hafa upp á eigendum þeirra eða finna þeim nýtt heimili.
Félagið starfrækir einnig kattahótel, sem fjölmargir kattaeigendur nýta sér til að hafa kisurnar sínar i öryggi á meðan þeir fara í frí.
Mikið og óeigingjarnt starf er unnið í þágu kattanna, sem kostar mikla fjármuni.
Allur aðbúnaður er samkvæmt ítrustu kröfum og reglum um dýraathvörf. Í Kattholti eru að jafnaði 6 starfsmenn á launum, auk mikilvægra sjálfboðaliða.
Gjalddagi félagsgjalds 2018 er 1.maí n.k.
Vertu velkomin í hópinn!