Í storminum á föstudaginn vakti þetta unga sebradýr mig árla morguns með miklum harmhljóðum og fauk svo inn til mín í einni hviðunni þegar ég opnaði útidyrnar.

 

Það harðneitar nú að fara og veit greinilega ekkert hvaðan það kemur frekar en vindurinn.

 
Við þennan atburð fauk í Grjónið og má nú af raddbeitingu hans, líkamstjáningu og ekki síst augnsvip ráða að aðeins sé um tvennt að ræða í hans stöðu, annarsvegar að fremja morð og hinsvegar að flytja til Noregs.

 
Hann dvelur nú löngum stundum að heiman og hugsar sitt ráð. Kemur svo á gluggann svolítið úfinn og einhvernveginn breiðleitari en venjulega, horfir á mig brostnum augum gegnum glerið og þegar ég opna, hættir hann oft við að koma inn svona eins og til að undirstrika kvölina.

 

Upplýsingar í síma Anna 862-4748