Simbi 7 ára útikisi

10 júl, 2024

Simbi er 7 ára hvítur og gulbröndóttur síðhærður kk sem óskar nú eftir traustu framtíðarheimili þar sem hann kæmist út að leika sér. Hann er hlédrægur í fyrstu en svo ósköp ljúfur og ástríkur þegar hann er farinn að treysta þér. Hann er ekki vanur börnum né öðrum dýrum og er á fyrirbyggjandi Urinary þurrmat frá Royal Canin sem hann þrífst vel á.

Áhugasamir bókið skoðunartíma til þess að heimsækja og skoða kisu. Skoðunartímar eru ca 20 mínútna tímar alla virka daga frá kl. 13:00-14:20. Hægt er að bóka skoðunartíma með tölvupósti kattholt@kattholt.is eða símleiðis á símatímum alla virka daga milli kl. 9-12 í síma 567-2909.

Gjald fyrir kisu frá Kattholti er 24.500 og innifalið í gjaldinu er ófrjósemisaðgerð/gelding, örmerking og skráning hjá Dýraauðkenni, heilsufarsskoðun, ormahreinsun og fyrsta bólusetning.

Ljósmyndari: Nadia Jade-Cross