9.3.2006

Eigendur kisunnar sem fannst illa slösuð á Langholtsvegi og legið hefur á Dýraspítalanum í Víðidal undanfarna daga eru fundnir.  Kisan heitir Nótt og vilja eigendur hennar allt fyrir kisustelpuna sína gera.

Myndin sýnir Nótt, ásamt systur sinni Dimmu, í fangi fjölskyldunnar á Dýraspítalanum.  Sigríður í Kattholti kom og samgladdist þeim.
Nótt fer í aðgerð fimmtudaginn 9. mars 2006 og færum við henni óskir um góðan bata. 
Kattavinafélag Íslands vill færa þeim fjölmörgu sem hugðust koma Nótt til hjálpar innilegar þakkir. Öll fjárframlög sem bárust í þeim tilgangi eru nú geymd í sjóðnum NÓTT.